最新消息

东方 & 太阳

红白蓝胶袋系好多香港人嘅集体回忆，十几年前已将红白蓝应用于艺术创作嘅著名艺术家又一山人，继帮候任特首梁振英（CY）设计竞选齐心标志、橙色制服等文宣及物资后，近日又帮新生精神康复会营办嘅社会企业「红白蓝330」，设计多种红白蓝潮物，店内仲加设本地设计师麦雅端嘅Chocolate Rain百家布系列等精彩产品，认真点子多多。

十几年前，又一山人首次为老土嘅红白蓝注入新生命，掀起一阵热潮，为佢赢得「红白蓝之父」称号。今次系佢首次同社企合作，喺太子道西花墟开设嘅全港首间红白蓝主题概念店「红白蓝330」，销售象征港人坚毅不屈、拚搏精神嘅红白蓝衣物、杯碗、手袋等家品，至啱潮人一族买嚟送畀外地亲友或自用喇！大家得闲去行一趟，包保有惊喜。